Елімізде алғаш рет сыбайлас жемқорлыққа қарсы қызмет органдарының күні атап өтілуде

18 қарашада Қазақстанда алғаш рет сыбайлас жемқорлыққа қарсы қызмет органдарының күні аталып өтілуде. Осыған орай Сыбайлас жемқорлыққа қарсы іс-қимыл агенттігінде жеке құрамның, Қоғамдық кеңес мүшелерінің, қызмет ардагерлерінің қатысуымен салтанатты іс-шара өтті, деп хабарлайды Zakon.kz.

Кейінірек 2019 жылы Президенттің Жарлығымен Президентке тікелей есеп беретін дербес құқық қорғау органы – Сыбайлас жемқорлыққа қарсы іс-қимыл агенттігі құрылды.

Бірқатар дамыған елдердің тәжірибесі бойынша агенттік тиімді алдын алуды, қоғаммен әріптестікті және қылмыстық-құқықтық шараларды біріктіреді.

"Бүгін Мемлекет басшысының сыбайлас жемқорлыққа қарсы ымырасыз және қағидатты күрес жүргізу бойынша қойған міндеттерін шешуге қабілетті кәсіби орган құрылды. Соңғы жылдары заңнамалық реформалардан бастап, адами факторды азайтуға және ашықтықты арттыруға мүмкіндік беретін цифрлық шешімдерді енгізуге дейінгі кең ауқымды бастамалар әзірленіп, енгізілді. Агенттіктің жұмысы азаматтардың өмір сүру сапасын жақсартуға, олардың құқықтары мен бостандықтарын қорғауға, сондай-ақ сыбайлас жемқорлыққа қарсы тұрақты мәдениетті қалыптастыруға бағытталған". ҚР Сыбайлас жемқорлыққа қарсы іс-қимыл агенттігі

Іс-шара аясында үздік қызметкерлер сыбайлас жемқорлыққа қарсы күрес пен заңдылықты нығайтуға қосқан елеулі үлесі үшін ведомстволық наградалармен марапатталды.

Көпжылдық кәсібилігі мен адалдығы жас қызметкерлерге үлгі болған қызмет ардагерлеріне ерекше алғыс айтылды.

Сыбайлас жемқорлыққа қарсы қызмет органдарының кәсіби күнін мерекелеу – күн сайын күш-жігер мен уақытты аямай, еліміздің болашағы үшін сыбайлас жемқорлықты жою үшін қызмет атқаратын қызметкерлердің еңбегін мойындау болып табылады.