Алаяқтық жасады деген күдікке ілінген қазақстандық Ресейде қолға түсті

09:45, 18 қараша 2024

© Фото: pexels

Қазақстан азаматы аса ірі көлемде алаяқтық жасағаны үшін қылмыстық жауаптылыққа тарту мақсатында Ресей Федерациясынан экстрадицияланды. Бұл туралы 2024 жылғы 18 қарашада Бас прокуратура мәлімдеді, деп хабарлайды Zakon.kz.

Ведомство ақпаратына сүйенсек, күдікті 2019-2020 жылдар аралығында кәсіпкерді алдау және сеніміне қиянат жасау арқылы жалпы сомасы 53 миллион теңге мөлшерде арнайы техниканы, сондай-ақ алаяққа тиесілі емес көлікті 35 миллион теңгеге сатып, ірі көлеміндегі қаражатты жымқырған.

"Қылмыс жасағаннан кейін күдікті қашып кеткен, сол себепті ол халықаралық іздеуге жарияланған.Осы жылдың шілде айында ол Санкт-Петербург қаласында ұсталды",- делінген ақпаратта.

Қазақстан Республикасы Бас прокуратурасының сұрауы бойынша ол елге экстрадицияланды.

"Қазіргі уақытта күдікті Петропавл қалалық тергеу изоляторына қамалды. Айыпталған қылмыс үшін мүлкі тәркіленіп, бес жылдан он жылға дейінгі мерзімге бас бостандығынан айыру жазасы көзделген",- деп мәлімдеді ведомство.

Бұған дейін Қазақстанның бірқатар қаласында "жалған полицейлер" ұсталғаны хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!