Елдің орталығы мен солтүстігінде екі жол-көлік оқиғасы болды

10:11, 22 қараша 2024

© Фото: Zakon.kz

21 қарашада ауа-райының қолайсыздығына байланысты еліміздің екі өңірінде жол апаты болды, деп хабарлайды Zakon.kz.

КТК телеарнасы мәлімдегендей, Қарағанды-Астана тас жолында үш жүк көлігі соқтығысқан. Ал, Петропавл-Есіл тас жолында КАМАЗ және кроссовер соқтығысып, онда 37 жастағы JAC автокөлігінің жүргізушісі дәрігерлер келгенге дейін қайтыс болды.

"Жолдар көктайғақ, жағдайды тұман күшейтіп тұр", – делінген сюжетте.

Бұған дейін Алматы – Екатеринбург автожолының 1063 шақырымында үш көлігінің қатысуымен жантүршігерлік жол апаты болып, бір адам мерт болғаны хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!