Алматы ТКШ қызметтеріне бағаның өсуі бойынша көш басында

2024 жылдың қазан айында жылдық инфляция қайтадан жеделдеп, 8,5%-ға жетті. Бұл ретте өнімдер бағасының өсу қарқыны баяулады, ал "сервистік инфляция" деп аталатындар ТКШ тарифтеріне баға айтарлықтай өсті, деп хабарлайды Zakon.kz.

ҚР Ұлттық Банкінің "Инфляциялық үрдістер, 2024 жылғы қазан" есебіндегі мәліметінше, жылдық сервистік инфляция негізінен реттелетін тұрғын үй-коммуналдық қызметтерге тарифтердің өсуі есебінен жеделдейді. Сонымен қатар, жекелеген нарықтық қызметтер бағасының өсуі байқалады.

2024 жылдың қазан айында қызмет көрсету саласындағы жылдық бағаның өсімі 14,3%- ға дейін жеделдеді (2024 жылғы қыркүйекте – 13,6%). Жылдық инфляцияның жеделдеуіне негізгі үлесті реттелетін коммуналдық қызметтердің тарифтерінің 27%-ға дейінгі жылдық өсуі қосты.

Қосымша проинфляциялық әсерді байланыс қызметтері (жылдық мәнде 15,5%) мен көлік қызметтері (12,6%) сияқты нарықтық қызметтер көрсетті. Сонымен қатар, нарық қызметтерінің көпшілігінен дезинфляциялық үрдіс, ал сақтандыру қызметтерінен дефляция байқатты, олардың бағасы жылдық мәнде 1,9%-ға төмендеді.

Айлық мәнде қызмет көрсету инфляциясы 1,4%-ға өсті (2024 жылғы қыркүйекте – 1%). Айлық инфляцияның жеделдеуіне негізгі үлесті реттелетін коммуналдық қызметтер қосты, олардың бағасы 3,4%-ға өсті. Сонымен қатар, байланыс қызметтері (2,8%-ға), әсіресе ұялы байланыс қызметтері (5%-ға) қымбаттады. Көлік қызметтерінің бағасының 2,5%-ға өсуі негізінен теміржол тасымалының 13%-ға қымбаттауына байланысты болды.

2024 жылдың қазан айында реттелетін тұрғын үй-коммуналдық қызметтердің тарифтерінің бір айдағы өсу қарқыны 3,4%-ға дейін жеделдеді (2024 жылғы қыркүйекте – 1,2%). Қазанда суды жеткізу тарифтері 25%-ға, су бұру – 5,3%-ға, электр қуаты мен ыстық су – 0,6%-ға, орталықтандырылған жылу – 0,5%-ға, газ – 0,1%-ға өсті.

Ең елеулі өсім Алматы, Ақтөбе, Жамбыл облыстары мен ШҚО — да байқалады.