Екібастұзда баспалдақ қоршауына басын тығып алған балаға көмек керек болды

10 қыркүйекте Екібастұзда көпқабатты тұрғын үйлердің бірінде баспалдақ қоршауына тыққан басын қайта шығара алмай қалған балаға құтқарушылар көмекке келді, деп хабарлайды Zakon.kz.

Павлодар облысы ТЖД баспасөз қызметінің хабарлауынша, оқиға орнына шұғыл жеткен құтқарушылар "Холматро" гидравликалық авариялық-құтқару құралының көмегімен баланың басын босатып, темір құрсаудан шығарып алды.

"Бала зардап шеккен жоқ. Құтқару операциясы 10 минутқа созылды. Балаға медициналық көмек қажет болмады", делінген хабарламада.