Дүниежүзілік көшпенділер ойындарында Қазақстанның аударыспақ құрамасы финалға шықты

9 қыркүйекте V Дүниежүзілік көшпенділер ойындарында этноауыл аумағында аударыспақтан жарыс басталып, нәтижесінде Қазақстан құрамасының барлық қатысушылары финалға өтті, деп хабарлайды Zakon.kz.

Астана қаласында ипподром маңындағы этноауылда өтетін аударыспақтан Көшпенділер ойындарына 9 мемлекеттен, 64 спортшы тіркелді. Олар: Қазақстан, Қырғызстан, Өзбекстан, Моңғолия, Түркия, Венгрия, Қытай, АҚШ және Ресей.

Бұған дейін Қазақстан көкпаршылары Өзбекстан құрамасын қабылдап, сенімді жеңіске жеткен болатын.