Денсаулық министрі 5 қазаннан бастап елімізде қандай шектеу шаралары енгізілетіндігін айтты

17:32, 1 қазан 2020
129

Үкімет Денсаулық сақтау министрінің 30 қыркүйекте үкімет отырысында айтылған ұсыныстарын жүзеге асыру туралы шешім қабылдады, деп хабарлайды zakon.kz.

- ВАК биылғы жылдың 5 қазанынан бастап келесі шешімдерді мақұлдады: басқа елдермен арадағы әуе рейстерін қайта жаңғыртуды тоқтату, әуе қатынастары қалпына келтірілген елдермен арадағы рейстердің санын арттырмау, Түркияға қатынайтын әуе рейстер санын азайту. ІІ-санаттағы елдерден келетін адамдар үшін термометриядан өтуді, сауалнама толтыруды, сондай-ақ қолында мерзімі 3 күннен аспаған COVID-19-дың бар-жоғын растайтын анықтама қағаздың болуын міндеттеу. Ал мұндай анықтамасы жоқ жолаушыларды карантинге орналастыру үшін екі күнге ауруханаға жатқызу, яғни КВИ тестінің нәтижесі шыққанша оқшаулау. Ал КВИ нәтижесі расталған адамдар инфекциялық ауруханаға ауыстырылады, ал теріс нәтижесі барлар тұрғылықты жері бойынша учаскелік дәрігердің бақылауына алынады. Осындай талаптар ЕАЭО елдері мен Өзбекстанның автожолдарындағы өткізу пункттеріндегі мемлекеттік шекарадан өтетін адамдарға да қатысты болады, - деді Алексей Цой арнайы өткен брифингте.

Үкімет отырысында инфекцияның сырттан енуін және таралуын болдырмау үшін, әрі шет елдердегі ахуалдың нашарлауын ескере отырып, Денсаулық министрі 5 қазаннан бастап басқа елдермен арадағы қосымша рейстердің қайта жаңғырту ісін уақытша тоқтата тұруды, әуе қатынасы қалпына келтірілген елдермен байланысты арттырмауды, соның ішінде Түркия еліне рейстер санын азайтуды ұсынған еді.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір