Данилина мен Хромачева жұбы Ухандағы WTA-1000 турнирінің жеңімпазы атанды

Қазақстандық теннисші Анна Данилина мен Ресей өкілі Ирина Хромачева жұбы Ухандағы WTA-1000 санатындағы турнирдің жеңімпазы атанды, деп хабарлайды Zakon.kz.

Соңғы ойында олар америкалық жұп - Джессика Пегула / Айша Мұхаммедті екі сетте 6:3, 7:6 (8:6) ұпаймен жеңді.

Кездесу 1 сағат 37 минутқа созылды.

Бұл - WTA турнирлерінде Данилина мен Хромачева жұбының үшінші рет қол жеткізген атағы. Екі теннисші де WTA-1000 санатындағы жұптық жарыста бірінші рет жеңіске жетті. Бұған дейін Арина Соболенко Кори Гауффты жеңіп, финалға шыққаны хабарланған болатын.

Khromacheva with the winning touch ✨#WuhanOpen pic.twitter.com/66wE4B7ISy

— wta (@WTA) October 13, 2024