БҚО-да елікті бөлшектеп алған ауыл тұрғыны ұсталды

Табиғатты қорғау полициясының қызметкерлері заңсыз аң аулады деген күдікпен Теректі ауданының 31 жастағы тұрғынын ұстады, деп хабарлайды Zakon.kz polisia.kz-ке сілтеме жасап.

Рейдтік іс-шараларды өткізу барысында полиция қызметкерлері Volkswagen автокөлігін тоқтатты. Көлікті тексеру кезінде еліктің бөлшектелген еті табылып тәркіленді.

Аталған факті бойынша сотқа дейінгі тергеу басталды.

Полиция азаматтарға заңсыз аң аулағаны үшін қылмыстық жауапкершілік қарастырылғанын ескертті.