«Барыстың» бұрынғы қорғаушысы мансабын «Юграда» жалғастырады

12:02, 15 қыркүйек 2026

MKZ: 1566881

© Сурет: hcbarys.kz

"Югра" хоккей клубы құрамын жаңа ойыншымен толықтырды. Сырт алаңдағы ойындар сериясы барысында командаға қорғаушы Илья Хохлов қосылады, деп хабарлайды Zakon.kz.

Клубтың баспасөз қызметінің мәліметінше, Хохлов ҚХЛ-дағы дебютін 2014/15 маусымында жасаған. Мансабында лигада 496 матч өткізіп, 127 ұпай жинаған: 37 шайба соғып, 90 нәтижелі пас берген.

Қорғаушы бұған дейін "Сочи", "Торпедо", "Барыс", "Сибирь", "Нефтехимик", "Металлург", "Авангард" және "Северсталь" командаларының намысын қорғаған.

Айта кетейік, Хохлов астаналық "Барыс" сапында бір маусым – 2024/2025 жылдары өнер көрсетті. Ол клубқа 2024 жылдың қазан айында ауысып, Құрлықтық хоккей лигасы аясында команда құрамында 55 матч өткізіп, жеті нәтижелі паспен көзге түсті.

Хохлов соңғы рет ВХЛ-да 2016/17 маусымында "Ижсталь" сапында ойнаған.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!