Бакудегі бәсекенің ақтық айқасына тағы бір боксшымыз жолдама алды

60 келі салмақ дәрежесіндегі Талғат Сырымбетов жартылай финалда өзбек жігіті Бахтиер Асадовтан басым түсті, деп хабарлайды Zakon.kz Қазақстан бокс федерациясының баспасөз қызметіне сілтеме жасап.

"Жалпы Талғат бетін екі қолымен жауып, жабық жұдырықтасатын боксшы. Дегенмен жұдырық сілтегенде соққысының жылдамдығына көз ілеспейді. Асадовты да әбден зерттегені көрініп тұрды. Бірінші раундтан басымдығын байқатқан жерлесіміз қарсыласына еш мүмкіндік бермей жеңіске жетті", - деп хабарлады бокс федерациясының баспасөз қызметі.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Еске салайық, бұған дейін қазақстандық боксшылар Теміртас Жүсіпов пен Тимур Қабдеш Бакуде өтіп жатқан турнирдің финалына шыққанын жазған едік. Олар жартылай финалда ресейлік қарсыластарын жеңді.