AusOpen: Анна Данилина әйелдер арасындағы жұптық сында тағы да финалда жеңіліс тапты

31 қаңтарда жерлесіміз Анна Данилинаның қатысуымен Мельбурн корттарында теннистен Австралия ашық чемпионатының шешуші жұптық матчы өтті, деп хабарлайды Zakon.kz.

Қазақстандық теннисші сербиялық Александра Круничпен бірге бельгиялық Элизе Мертенс пен қытайлық Чжан Шуайға қарсы өнер көрсетті.

Бірінші сет өте тартысты өтті, мұндағы тай-брейкте сәтті ойнай білген бельгиялық-қытайлық дуэттің жолы болды. Есеп: 7:6 (7:4).

Екінші сетте қазақстандық-сербиялық жұп ойын өрнегін өзгертуге тырысты, алайда қарсыластар тағы басым түсті: 4:6.

Осылайша, қазақстандық теннисші өзінің спорттық жолында Аустралия ашық чемпионатының финалында екінші рет жеңіліс тапты.

2022 жылы Данилина бразилиялық Беатрис Хаддад Майямен бірге финалда жеңілген болатын.

Бүгін жекелей сында Елена Рыбакина әлемнің 1-ракеткасы, Беларусь өкілі Арина Соболенкомен чемпиондық атаққа таласатын болады.