Астанада Tesla көлігі ассенизаторды соғып, жүк көлігі көпірден құлады

Астананың айналма жолында ауыр жол апаты болды. Жеңіл көлікпен соқтығысқан ассенизатор жүк көлігі көпірден құлап кеткен, деп хабарлайды Zakon.kz.

Оқиға орнынан түсірілген кадрлар бұған дейін әлеуметтік желілерде жарияланды. Видеодан арнайы техниканың жол қоршауын бұзып өтіп, көпірден құлағанын көруге болады. Зақымданған көліктің жанында эвакуатор мен полицияның қызметтік көлігі тұр.

Оқиғаға қатысты Астана полиция департаменті түсінік берді.

"19 қазанда елорданың айналма жолында Tesla көлігі мен ассенизатор жүк көлігінің қатысуымен жол-көлік оқиғасы болды. Анықталғандай, Tesla көлігін басқарған 49 жастағы әйел көпірге көтерілетін жолайрықпен келе жатып, басты жолмен қозғалған жүк көлігіне жол бермеген. Салдарынан көліктер соқтығысып, жүк көлігі жол қоршауын зақымдап, көпірден құлаған", – деп хабарлады Астана полиция департаментінің баспасөз қызметі Zakon.kz тілшісіне.

Посмотреть эту публикацию в Instagram

Публикация от Astana_Live (@svatoslav_kondratev)

Ведомствоның мәліметінше, апат салдарынан бір адам зардап шеккен. 71 жастағы ассенизатор жүргізушісі жарақат алып, медициналық көмек көрсету үшін ауруханаға жеткізілді.

Қазір құқық қорғау органдары тексеру жүргізіп, оқиғаның барлық мән-жайын анықтап жатыр.