Аптап ыстықта британдықтар барбекю жасаған көршілеріне шағымдана бастаған

Ұлыбританияда аптап ыстық туралы ескертулерден кейін тұрғындар өрт шыққаны туралы хабарлап, төтенше жағдай қызметтеріне жаппай қоңырау шалған, деп хабарлайды Zakon.kz.

Daily Star басылымының мәліметінше, қоңыраулардың көп болуына байланысты өрт сөндіру қызметі тұрғындарға 999 нөміріне тек шын мәнінде төтенше жағдай туындағанда немесе қою түтінмен бірге жүретін өрт болған кезде ғана қоңырау шалуды еске салуға мәжбүр болған.

Психологтар мұндай әрекетті аптап ыстық пен күйзелістің әсерімен түсіндіреді. Жоғары температура адамның ашуланшақтығы мен агрессивтілігін күшейтуі мүмкін. Ал көршілеріне шағымдану адамдарға жағдайды бақылауда ұстап отырғандай сезім беріп, тікелей жанжалға бармауға мүмкіндік береді.

Бұған дейін қатты құрғақшылық жағдайында Ұлыбританияға аптап ыстықтың бесінші толқыны жақындап келе жатқаны хабарланған болатын.