Апат салдарынан Алматы мен облыстың бірқатар ауданы жарықсыз қалды

15:26, 14 тамыз 2026

MKZ: 1561351

© Фото: Zakon.kz

2026 жылғы 14 тамызда күндіз Алматы мен Алматы облысында электр энергиясын беруде жаппай іркілістер болып, жарық сөнді, деп хабарлайды Zakon.kz.

"Алатау Жарық Компаниясы" АҚ баспасөз қызметі оқиғаның мән-жайын түсіндірді.

"14 тамызда сағат 14:38-де KEGOC АҚ-ға тиесілі кернеуі 500 кВ Л-5400, Л-5300 және Л-5320 әуе электр беру желілерінің апат салдарынан ажыратылуына байланысты "Алатау Жарық Компаниясы" АҚ желілерінде апатқа қарсы автоматика іске қосылды. Соның салдарынан Алматы қаласы мен Алматы облысындағы тұтынушылар электр энергиясынан ажыратылды", – делінген түсініктемеде.

Апатқа қарсы автоматиканың іске қосылуы салдарынан ажыратылған жүктеме көлемі 300 МВт болды.

Алматы облысында мына аудандарда электр энергиясы өшті:

Жамбыл ауданы;
Балқаш ауданы;
Есік ауданы;
Қарасай ауданы;
Шелек ауданы;
Райымбек ауданы;
Ұйғыр ауданы;
Іле ауданы;
Кеген ауданы;
Талғар ауданы.

Алматы қаласында мына аудандар электр энергиясынан ажыратылды:

Бостандық ауданы;
Наурызбай ауданы;
Әуезов ауданы;
Алатау ауданы.

Қазіргі уақытта "Алатау Жарық Компаниясы" АҚ мамандары тұтынушыларға электр энергиясын беруді қалпына келтіру бойынша қажетті жұмыстарды жүргізіп жатыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!