Алматының бірнеше ауданында су өшеді

Алматыда технологиялық жабдықтарды ауыстыру бойынша жоспарлы жұмыстарға байланысты бірнеше шағын ауданда суық су өшіріледі, деп хабарлайды Zakon.kz.

"Алматы су" АҚ хабарлауынша, 26 қыркүйекте сағат 9:00-ден 18:00-ге дейін келесі мекенжайлар бойынша тұрғын үйлер мен басқа да ғимараттарға су беруде шектеулер енгізіледі:

• Орбита 1, 2, 3, 4 шағын ауданы, Таугүл, Таугүл 1, 3 шағын аудандары; Мамыр 1, 2, 3, 4, 5, 6, 7 шағын ауданы;
• Абай даңғылы контурында — Сайна — Жандосова – Яссауи көшелері; Абай даңғылы – Яссауи – Кеңесбаева – Әшімова көшелері.

"Бұл секторларда суық сумен қамтамасыз етуді уақытша шектеу жоспарланған жұмыстардың қауіпсіздігін қамтамасыз ету үшін қажет", — деп түсіндірді "Алматы Су".

Бұған дейін Алматы әкімдігі Қапшағай көпірінің бір бөлігі жөндеу жұмыстарына байланысты жабылатынын ескерткен болатын.