«Алматыны қаптап кетті»: полиция үш дөңгелекті көліктерге тексеру жүргізіп жатыр

Алматыда "Трицикл" жедел-профилактикалық іс-шарасы өтіп жатыр, деп хабарлайды Zakon.kz.

Қалалық полиция департаментінің баспасөз қызметі 2026 жылғы 7 қазанда кезекті рейдтің Алатау ауданында, Орталық киім-кешек базары маңында өткенін мәлімдеді. Полицейлер үш дөңгелекті көліктердің тіркелгенін, қажетті құжаттары мен жүргізушілерінің куәліктері бар-жоғын, сондай-ақ жол жүрісі қағидаларының сақталуын тексерді.

"Бір рейдтің өзінде жол жүрісі қағидаларын бұзудың 60-қа жуық дерегі анықталды. Әсіресе, жүргізуші куәлігін ешқашан алмаған адамдардың үш дөңгелекті көліктерді басқаруына ерекше назар аударылып отыр", – деп хабарлады полиция департаменті.

Полиция үш дөңгелекті көліктер белгіленген тәртіппен тіркелуге, ал жүргізушілердің оларды басқаруға тиісті құқығы болуға тиіс екенін еске салды.

Посмотреть эту публикацию в Instagram

Публикация от Алматы қаласының ПД | ДП г.Алматы (@almaty.police)

Қыркүйектің соңында Алматыда құтқарушылар, прокуратура, газ қызметі мен әкімдік өкілдері және еріктілер ауқымды кешенді профилактикалық іс-шара аясында бірлескен рейдтерге шыққаны белгілі болды. Бұл рейдтердің мақсаты – халықтың әлеуметтік осал топтарына жататын тұрғындардың үйлерін аралап, алдын алу жұмыстарын жүргізу.