Алматыдағы Шығыс айналма жолында жаппай жол апаты болып, көлік қозғалысы тоқтады

2026 жылғы 17 тамызда түнгі уақытта Алматыдағы Шығыс айналма жолында жаппай жол-көлік оқиғасы болды. Алдын ала мәлімет бойынша, жол апатына 11 көлік қатысқан, деп хабарлайды Zakon.kz.

Жүргізушілердің бірінің айтуынша, оқыс оқиғаның орын алуына жолдың тайғақ болуы себеп болған.

Сурет: Zakon.kz.

Оның айтуынша, жол апатына аз уақыт қалғанда асфальттағы шаң мен кірді жуу үшін жолға су себілген.

Сурет: Zakon.kz.

Алдын ала болжам бойынша, осыдан кейін Howo жүк көлігінің жүргізушісі көлікті басқара алмай қалып, соның салдарынан бірнеше көлік бірінен соң бірі соқтығысқан.

Сурет: Zakon.kz.

Алайда жол апатының нақты ресми себебі әзірге анықталған жоқ.

Сурет: Zakon.kz.

Апат салдарынан зардап шеккендер бар. Олардың нақты саны қазір анықталып жатыр.

Сурет: Zakon.kz.

Оқиға орнына жол полициясының қызметкерлері келіп, болған жағдайдың мән-жайын анықтауда.

Сурет: Zakon.kz.

Шығыс айналма жолындағы көлік қозғалысы уақытша қиындап, іс жүзінде тоқтап қалды.

Сурет: Zakon.kz.

Зардап шеккендердің жағдайы мен жол апатының себептері туралы ресми ақпарат нақтыланып жатыр.

Бұған дейін Астана-Щучинск тасжолында жол апаты болғанын жазған болатынбыз.