Қатарынан екі титул жеңіп алған Жиенбаева WTA рейтингінде рекордтық көрсеткішке көтерілді

14:14, 17 тамыз 2026

MKZ: 1561706

© Сурет: Instagram/sonja.zhiy

17 тамызда әлемнің үздік теннисшілерінің жаңартылған рейтингі жарияланды. Қазақстандық Соня Жиенбаева рейтингте айтарлықтай жоғарылап, ресми түрде 454-орынға көтерілді, деп хабарлайды Zakon.kz.

20 жастағы теннисші жекелей сында Қазақстанның үшінші ракеткасы атанды. Ол екі апта ішінде WTA рейтингінде 738-орыннан 454-орынға көтеріліп, ұлттық құрамадағы әріптестері Жібек Құламбаева (464-орын) мен Аружан Сағандықованы (625-орын) басып озды.

Сондай-ақ Жиенбаева қазіргі уақытта WTA-ның лайв-рейтингінде 381-орында тұр. Бұл нәтиже алдағы уақытта ресми рейтингте бекітіледі.

Осылайша қазақстандық теннисші әлемнің үздік спортшылары қатарына біртіндеп жақындап келеді. Салыстыру үшін айтсақ, 2026 жылдың басында ол әйелдер арасындағы әлемдік рейтингте 1089-орында тұрған еді.

Жиенбаеваның рейтингте мұншалықты жоғарылауына соңғы алты айдағы ITF Women турнирлерінде көрсеткен табысты өнері ықпал етті.

Әсіресе оның Испанияның Оренсе және Виго қалаларында өткен W75 және W35 санатындағы турнирлерде қатарынан екі рет чемпион атанғанын атап өткен жөн.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!