Алматыда 16 жасар жасөспірім қаза болды

Қазнетте Алматыда 16 жастағы жасөспірімнің қаза тапқаны туралы ақпарат тарады. Қалалық полиция департаментінің баспасөз қызметі бұл мәліметті растады, деп хабарлайды Zakon.kz.

Әлеуметтік желілерде тараған деректерге сәйкес, оқиға 2026 жылғы 27 қаңтарда Розыбакиев – Сәтпаев көшелері ауданында болған. Куәгерлердің айтуынша, жасөспірім өзіне қол салар алдында, хат қалдырған.

"Полиция департаменті оқиға бойынша Бостандық ауданында қылмыстық іс қозғалғанын хабарлады. Оқиғаның нақты мән-жайы анықталуда", – делінген хабарламада.

Айта кетейік, 2026 жылғы 22 қаңтарда Қаскелен қаласындағы Қаныш Сәтпаев атындағы №47 орта мектепте 9-шы сынып оқушысы сабақ арасындағы үзілісте кенеттен ауыр халге түскен.

Мектеп әкімшілігі дереу жедел жәрдем шақырғанымен, жүргізілген медициналық және реанимациялық шараларға қарамастан, бала оқиға орнында қаза болған.