Алматыда жаңа туған сәбиді үйдің кіреберісіне тастап кеткен

Алматыда әйел жаңа туған сәбиін екіқабатты үйдің кіреберісіне тастап кеткен. Жерде шырылдап жатқан баланы көрген тұрғындар абдырап қалған. Дүние есігін енді ашқан қыз баланы тұрғындар бүгін түскі уақытта байқапты, деп хабарлайды Zakon.kz.

КТК телеарнасының хабарлауынша, жылап жатқан сәбиді тұрғындар дереу жылы жерге кіргізіп, жедел жәрдем мен полицияға хабар берген. Қазір нәресте ауруханада жатыр.

Ал баласынан бас тартып, қараусыз тастап кеткен әйел іздестіріліп жатыр.

"Жаңа туған қызды Чернышевский көшесіндегі үйлердің бірінің тұрғындары тауып алды. Түрксіб аудандық полиция басқармасы қылмыстық іс қозғады. Сәбидің анасының жеке басын және істің мән-жайын анықтауға бағытталған жедел іс-шаралар жүргізіліп жатыр". Алматы полиция департаментінің ресми өкілі Салтанат Әзірбек