Алматыда төбелестің кесірінен адамдар жеделсаты ішінде қамалып қалды

19:49, 11 желтоқсан 2023

© Сурет: pixabay

Алматыдағы тұрғын үй кешендерінің бірінде жеделсаты апатты жағдайда тоқтап, бірінші қабат пен паркинг арасында қалып кеткен, деп хабарлайды Zakon.kz.

RAMS компаниясының баспасөз қызметінен хабарлағандай, Жандосов көшесіндегі RAMS city тұрғын кешеніндегі жеделсатыда апат болған. Оқыс оқиға 10 желтоқсанда сағат 16:25-те тіркелді.

Компанияның мәліметінше, тұрғын үйдің үшінші блогында жеделсаты апаттық жағдайда тоқтаған. Өтінім келіп түскеннен кейін "KazElevatorGroup" ЖШС шақырту орнына электромеханикті жіберді. Ол жеделсатының бірінші қабат пен паркинг арасында тұрып қалғанын анықтады. Физикалық күш әсерінен жеделсаты есігіндегі қауіпсіздік шынжыры үзілген.

Алдын ала ақпарат бойынша, жеделсаты ішінде төбелес болған. Зардап шеккендер туралы мәлімет келіп түскен жоқ. Оқиғаның егжей-тегжейі қазір нақтылануда. Компания қаладағы ғимараттардың бірінде жеделсаты құлады деген әлеуметтік желідегі ақпарат шындыққа жанаспайтынын атап өтті.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!