Алматыда сайлау күні мүгедектігі бар азаматтарға «Инватакси» қызмет көрсетеді

Алматыда 23 тамызда Құрылтай депутаттарының сайлауы өтетін күні мүгедектігі бар және жүріп-тұруы шектеулі азаматтарға көлік қызметі көрсетіледі, деп хабарлайды Zakon.kz.

Қалалық Жұмыспен қамту және әлеуметтік қорғау басқармасының мәліметінше, сайлаушыларды дауыс беру учаскелеріне жеткізу үшін 170 "Инватакси" көлігі жұмылдырылады. Оның 36-сы арнайы жабдықталған, ал 134-і – жеңіл автокөлік.

Қызметті арбамен қозғалатын, тірек-қимыл аппараты және көру қабілеті бұзылған азаматтар пайдалана алады.

Арбамен қозғалатын және тірек-қимыл аппараты бұзылған азаматтар көлікке алдын ала тапсырыс беру үшін мына нөмірлерге хабарласа алады:

• +7 747 195 35 75;
• +7 707 710 60 50 (WhatsApp);
• +7 747 402 64 15 (WhatsApp).

Көру қабілеті бұзылған азаматтарға арналған байланыс нөмірлері:

• +7 727 338 32 78;
• +7 700 521 26 33;
• +7 777 611 13 57 (WhatsApp).

Бұдан бөлек, сайлау күні қалада 20 кезекші автокөлік қызмет көрсетеді. Оларды 8 700 151 07 01 және 338-30-09 телефон нөмірлері арқылы шақыруға болады.