Алматыда аспалы жолда қалып қойған адамдарды құтқару сәтінің кадрлары тарады

Алматы төтенше жағдайлар департаментінің қызметкерлері "Шымбұлақ" тау-шаңғы курортында аспалы жолында кабиналарда қалған адамдарды эвакуациялау бойынша бірегей операция жүргізді, деп хабарлайды Zakon.kz.

Сценарий бойынша демалушылар электр қуатының үзілуіне байланысты, аспалы жолда қалып қойды. 12 метр биіктікте тұрып қалған кабинада төрт адам болған. Туристерді үсік шалып, олар өз бетінше әрекет ете алмады.

"Үш бөлімшенің құтқарушыларына бір сағаттың ішінде бірден үш кабинанының ішінен эвакуациялауды жүргізу сияқты қиын тапсырма берілді. Содан кейін алғашқы медициналық көмек көрсету арқылы оларды қауіпсіз тасымалдау". Алматы төтенше жағдайлар департаменті

Посмотреть эту публикацию в Instagram

Публикация от Департамент по ЧС г.Алматы (@almaty_tjd)

Құтқарушылар қойылған тапсырманы 30 минутта орындап шықты.

ТЖМ Республикалық жедел-құтқару жасағы, әкімшіліктің 109 "Құтқару қызметі" МКҚК, "Шымбұлақ" ТШК шаңғы патрулі - үш бөлімшенің штатында көптеген адам өмірін құтқарған тәжірибелі альпинист-құтқарушылар қызмет етеді.