Алматы облысында мейрамхана маңындағы төбелес өліммен аяқталды: сотталушы ақталды
© Фото: pixabay
Алматы облысы Еңбекшіқазақ аудандық сотында бұзақылық және абайсызда адам өлтіру бабы бойынша айыпталған сотталушы К.-ға қатысты қылмыстық іс қаралды, деп хабарлайды Zakon.kz.
Істің мән-жайын Алматы облыстық соты 2024 жылғы 28 тамызда мәлімдеді.
"Сотталушы К. достарымен мейрамхананың алдына келіп тұрған сәтте мас күйінде жәбірленуші С. белгісіз себептермен сотталушы К.-ны жұдырықпен ұруға әрекет жасаған. Осыдан кейін екеуінің арасында ерегіс туындап сотталушы К. жәбірленуші С.-ны ұрып, соққы жасаған. Соққының салдарынан жәбірленуші С. жерге құлап, жарақат алып, алынған жарақаттардың салдары оның өліміне әкелген",- делінген сот хабарламасында.
Сот талқылауында сотталушы К. өз кінәсін мойындап, ісіне өкінетіндігін айтып көрсеткен.
Сот сотталушы К.-ны ҚР ҚК-нің 104-бабының 1-бөлімі бойынша кінәсіз деп танып, оның әрекетінде қылмыс құрамы болмағандықтан ақтады.
"Сонымен қатар, ҚР ҚК-нің 293-бабының 1-бөлімі бойынша сотталушы К. бұзақылық жасағаны үшін кінәлі деп танылып, пробациялық бақылаумен бір жылға бас бостандығын шектеу жазасы тағайындалды. Сот сотталушы К.-ға қосымша шектеулер де енгізді, оның ішінде ойын-сауық орындарына баруға тыйым салу, тұрғылықты жері мен жұмысын бақылау, сондай-ақ мәжбүрлі еңбекке тарту міндеттемесі енгізілді",- деп хабарлады сот.
Апелляциялық қылмыстық істер жөніндегі сот алқасы үкімді өзгеріссіз қалдырды.
Үкім заңды күшіне енді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:51, 13 қыркүйек 2024
Қараусыз қалған ғимараттан оқушы қыздың денесі табылды. Астана қалалық ПД мәлімдеме жасады
-
22:46, 13 қыркүйек 2024
«Тегін ауыстырамыз». Павлодарлықтарға алаяқтар осындай желеумен де қоңырау шала бастады
-
22:15, 13 қыркүйек 2024
Хорватиядағы Гран-при турнирі: дзюдошы Жанарыс Рахметқали да алтын медаль иеленді
-
21:45, 13 қыркүйек 2024
Оқушы өлімі тіркелген Қопа ауылына Бала құқықтары жөніндегі жедел уәкіл барды
-
21:06, 13 қыркүйек 2024
Хорватияда дзюдодан өтіп жатқан Гран-при турнирінде отандық спортшы алтын медаль иеленді