Алматы облысында көші-қон заңнамасын бұзған 50 шетелдік елден шығарылды
© Фото: Zakon.kz
Алматы облысында көші-қон заңнамасының сақталуын бақылау бойынша жедел-профилактикалық іс-шаралар аяқталды, оның қорытындысы бойынша 50 шетелдік елеулі бұзушылықтар үшін елден шығарылды.
Іс-шаралар барысында бұзушылықтардың 1037 фактісі анықталды.
"Бұзушылықтардың көпшілігін, яғни 1001 жағдайды ТМД елдерінің азаматтары, тағы 36-сын алыс шетелдердің азаматтары жасады. Негізгі мәселелер рұқсат етілген мерзім аяқталғаннан кейін (449 жағдай) елден уақытылы кетпеу және 10 күннен артық (480 жағдай) кетуден жалтару болды. Сондай-ақ заңсыз еңбек қызметіне байланысты 85 бұзушылық тіркелді", – деп Алматы облысы көші-қон қызметі басқармасының бастығы Рүстем Жарықбасов.
Бұдан басқа, тексеру нәтижесінде шетелдіктерді қабылдаған жеке және заңды тұлғаларды қоса алғанда 237 адам заңнаманы сақтамағаны үшін әкімшілік жауапкершілікке тартылды.
5 күн ішінде 481 адам есепке алынды, ал 23 бұзушы қабылдау-тарату орнына орналастырылды. Төрт бұзушылық фактісі бойынша қылмыстық іс қозғалды.
Рүстем Жарықбасов шетелдік азаматтар тарапынан да, оларды қабылдаушылар тарапынан да көші-қон заңнамасын қатаң сақтаудың маңыздылығын атап өтті. Ережеге сәйкес, қабылдаушы тарап үш жұмыс күні ішінде көші-қон органдарын шетелдік азаматтың келгені туралы хабардар етуге міндетті.
Әйтпесе, жеке және заңды тұлғалар жауапқа тартылады, ал заңды бұзған шетелдіктер елден шығарылуы мүмкін. Ақпараттандырудың ыңғайлылығы үшін "e-Qonaq" электрондық порталы қарастырылған, оның көмегімен шетелдіктің келгені туралы хабарламаны жедел беруге болады.
Құқық қорғау органдарының пікірінше, осы ережелерді сақтау – елдегі қауіпсіздік пен құқықтық тәртіптің кепілі.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
16:20, 21 қазан 2024
Батыс Қазақстан облысының прокуратурасы есірткіні заңсыз насихаттауды анықтады
-
15:40, 21 қазан 2024
Мемлекет басшысы Чехияның Сыртқы істер министрі Ян Липавскийді қабылдады
-
15:18, 21 қазан 2024
22-24 қазанда Қазақстанда ауа райы қандай болады
-
15:09, 21 қазан 2024
Қазақстанда ең ұзын көпір ашылды
-
14:56, 21 қазан 2024
Адам папилломасы вирусы: 23 мыңға жуық қыз бала екпе алды