Алимент төлемеу үшін ChatGPT-ден өз ұлын өлтіруге көмек сұраған

Бразилияда ChatGPT 14 жастағы жасөспірімді өз әкесінен қорғауға көмектесті. Ер адам алимент төлеуден құтылу үшін ұлын өлтіруді бірнеше ай бойы жоспарлап, жасанды интеллектпен хат алмасқан, деп хабарлайды Zakon.kz.

Бұл туралы G1 басылымы жазды. Эспириту-Санту штаты полициясының мәліметінше, Эунаполис қаласының 43 жастағы тұрғыны алимент төлеуден бас тартқан баласын өлтіру жоспарының егжей-тегжейін бірнеше ай бойы жасанды интеллектпен талқылаған.

кеңес сұраған. "ChatGPT жүйесі алаңдатарлық хабарламаларды тіркеп, ақпаратты ФБР-ге жіберген. Ал ФБР өз кезегінде Бразилия билігімен байланысқа шыққан. Америкалық агенттер жасөспірімнің өміріне қауіп төнуі мүмкін екенін хабарлағаннан кейін тергеу басталды", – делінген басылым материалында.

Бразилия полициясы ер адамның жоспарын шын мәнінде жүзеге асыруға ниетті болғанын анықтап, күдіктінің үйінде тінту жүргізді. Қылмыстық ойын жүзеге асырып үлгермегендіктен, ол қамауға алынбаған. Алайда тергеу жалғасып жатыр.

Полицияның мәліметінше, бұл – Бразилияда жасанды интеллект ауыр қылмыстың алдын алуға көмектескен алғашқы жағдай.

Билік өкілдері жағдайды бақылауды жалғастырып, қазіргі уақытта қауіпсіз жерде жүрген баланы қорғау үшін қажетті шараларды қабылдайтынын мәлімдеді.

Бұған дейін Бразилияда ер адамның сирек кездесетін генетикалық ауру – бүйірлік амиотрофиялық склероздың (БАС) салдарынан 20 туысынан айырылғанын жазғанболатынбыз. Оның отбасының тағы 27 мүшесінен ауруды тудыратын мутация анықталған.