Ақтөбе облысында тоғыз адамнан тұратын отбасы су тасқыны кезінде мұнара шығып, аман қалған

Ырғыз ауданында Қорғаныс министрлігінің ұшқыштары су тасқынынан бас сауғалап, мұнара басына шығып алған тоғыз адамды құтқарды, деп хабарлайды Zakon.kz.

Су тасқынына байланысты олардың қолындағы телефон да, интернет те істемей қалған.

Қорғаныс министрлігі баспасөз қызметінің хабарлауынша, жергілікті адамдар өз көлігімен ең жақын ауылға жетуге тырысқанмен, ол суға батып кеткен.

"Балалармен, қолындағы үш айлық нәрестесімен олар әупірімдеп мұнараға жеткен. Отбасы Ырғыз ауданының жергілікті мектебіне орналастырылды".ҚР Қорғаныс министрлігі баспасөз қызметі

Аман қалған әйелдердің бірі көрген жаман түстей болған оқиғаны баяндап берді.