Ақтауда жартылай жалаңаш көше кезген ер адам тұрғындардың ашуын туғызды

10:07, 10 сәуір 2025

© Сурет: pixabay

Ақтаудағы көше бойында түн жарымында жартылай жалаңаш жүрген ер адамның видеосы желіде тарап кетті. Бейне қазнет қолданушылары арасында қызу талқыланып жатыр, деп хабарлайды Zakon.kz.

Кадрда — жартылай жалаңаш ер адам 15-шағынауданда жол бойымен әрең жүріп бара жатқан сәті түсірілген.

Lada.kz ақпаратына сүйенсек, бейне 8 сәуірге қараған түні түсірілген.

Өз кезегінде, Полиция департаменті бұл азаматқа қатысты ҚР ӘҚБтК-нің 440-бабы (қоғамдық орында мас күйінде жүру) және 615-бабы (жаяу жүргіншілердің жол жүру ережесін бұзуы) бойынша әкімшілік хаттама толтырылғанын хабарлады.

Оған 7 АЕК — 27 524 теңге көлемінде айыппұл салынуы мүмкін.

Бұған дейін Астана маңындағы балабақшаға бала таситын автобус апатқа ұшырағаны хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!