Ақтауда ер адам дүкендердің бірінде сатушы әйелге қол көтерді

13 мамыр күні желіде Ақтаудағы дүкендердің бірінде агрессивті ер адамның сатушы әйелді бетінен ұрған сәті түсірілген видео тарады, деп хабарлайды Zakon.kz.

Видеодан ер адамның әйелді жұдырықпен бар күшін салып ұрғанын көруге болады. Соққыдан кейін әйел әрең дегенде тұрып қалады. Оқиға Ақтаудың 27-шағын ауданында болғаны айтылған.

Бұл жағдайға қатысты Zakon.kz сайтына Маңғыстау облыстық полиция департаменті түсінік берді.

"Күдікті ұсталып, уақытша ұстау изоляторына қамалды. Аталған факт бойынша «Бұзақылық» бабы бойынша қылмыстық іс қозғалды", – деді полиция өкілдері.