Ақмола облысында ішімдікке салынған 400-ге жуық адам мәжбүрлеп емдеуге жіберілді

Тәжірибе көрсеткендей, қылмыстардың көпшілігі мас күйінде немесе алкоголь ішу кезінде жасалады. Мас күйінде жасалатын жанжалдар жиі тұрмыстық зорлық-зомбылықты тудырады, бұл кейбір жағдайларда ауыр қылмыстарға әкеледі.

Мұндай оқиғалардың алдын алу үшін учаскелік полиция инспекторлары алкогольдік ішімдіктер жүйелі түрде тұтынылатын үй-жайларда үнемі профилактикалық жұмыстар жүргізеді.

Алкогольді шамадан тыс пайдаланудың алдын алу шеңберінде халықпен ақпараттық кездесулер ұйымдастырылады, алкогольдің зияны және оның денсаулық пен қоғамға тигізетін зардаптары туралы хабардарлықты арттыруға бағытталған дәрістер мен әңгімелер өткізіледі.

Азаматтарға аралап шығу кезінде алкогольдік ішімдіктерді шамадан тыс пайдалану адамның физикалық және психикалық денсаулығына айтарлықтай зиян келтіреді деп еске салады.

Сонымен қатар алкоголь отбасылық қатынастарды бұзады, жеке тұлғаның деградациясына және әлеуметтік байланыстардың жоғалуына ықпал етеді. Қазіргі уақытта полиция қызметкерлерінің бұл қызметі "Учаске" ЖПІШ шеңберінде күшейтілді.

Жеке профилактикалық жұмысқа жатпайтын адамдарға облыстың мамандандырылған емдеу-профилактикалық мекемелеріне мәжбүрлеп емдеуге жіберу түріндегі шаралар қолданылады.

Мәселен, Ақмола облысы ПД жергілікті полиция қызметі басқармасы учаскелік полиция инспекторларының материалдары бойынша 2024 жылдың басынан бері осы санаттағы 394 адам мәжбүрлеп емдеуге сотталды.

Ерейментау ауданы Селеті ауылының емдеу-профилактикалық мекемесіне алкогольге тәуелділіктен зардап шегетін 340 азамат жеткізілді.