Ақмола облысында инсульт алған әйел құлыптаулы пәтері ішінде жалғыз қалып кеткен

4 қазанда Степногорск қаласында өзін нашар сезінген әйел үйінде жалғыз болған. Оған шұғыл көмекке жеткен дәрігерлер есікті аша алмай, әбден әбігерге түскен, деп хабарлайды Zakon.kz.

Ақмола облысы ТЖД баспасөз қызметінің мәліметінше, құтқарушылар апаттық-құтқару құралдарының көмегімен пәтер есігін ашқан.

"Пәтер ішінде әйел адам бар екен. Құтқарушылар әйелді жедел жәрдем бригадасына тапсырды. Жедел жәрдем көлігіндегі тексеріс кезінде әйелдің инсульт алғаны анықталды",делінген хабарламада.

Бұған дейін 4 қазанда Көкшетауда көше бойында "Газель" автокөлігі отқа оранғанын хабарлаған болатынбыз.