«Адамдар баспалдақта ілініп тұр, есіктер жабылмайды»: алматылықтар лық толы автобустарға шағымданды

Бүгін, 2026 жылғы 16 қазанда Алматы тұрғындары мен қонақтары әлеуметтік желіде қарбалас уақытта автобустардың біріне сыймай қалатынын айтып шағымданды. Жазбаға қала әкімдігінің салалық басқармасы жауап берді, деп хабарлайды Zakon.kz.

Шағым Threads желісінде жарияланған. kassymakyn_a есімді қолданушы таңертең жолаушыларға лық толған №118 бағыттағы автобустардың бірнеше видеосын бөліскен.

"Адамдар автобустың баспалдағында ілініп тұр, есіктері жабылмайды. Жүргізуші кенет тежесе, дөңгелектің астына құлап кетуіміз мүмкін!" – деп наразылығын білдірді ол.

Алматы қаласының Жол қозғалысын ұйымдастыру және жолаушылар көлігі басқармасы бұл жағдайға қатысты түсініктеме берді.

"№118 автобус бағытының үздіксіз жұмысын қамтамасыз ету және жолаушылардың аялдамаларда күту уақытының ұзаруына жол бермеу мақсатында қазір қарбалас уақытқа арналған қозғалыс кестелері әзірленіп жатыр", – деп мәлімдеді басқарма.

Ведомствоның айтуынша, бұл шара автобустардың жүру аралығын оңтайландыруға және жолаушыларға қызмет көрсету сапасын арттыруға бағытталған.

Посмотреть эту публикацию в Instagram

Публикация от СМИ zakon.kz (@zakon.kz)

2026 жылғы 8 қазанда Алматы тұрғыны бүлінген аялдамаға шағымданғаны, алайда әкімдіктің жауабы оны таңғалдырғаны хабарланған еді.