2027 жылдан бастап ипотекалық қарыздар бойынша қандай сыйақы мөлшерлемелері белгіленеді

Қаржы нарығын реттеу және дамыту агенттігі қарыздар мен микрокредиттер бойынша жылдық тиімді сыйақы мөлшерлемесінің шекті мөлшерін бекітетін қаулы дайындады, деп хабарлайды Zakon.kz.

Жобада 2027 жылғы 1 қаңтардан бастап LTV коэффициентіне (кредит сомасының кепіл құнына қатынасы) байланысты ипотекалық тұрғын үй қарыздары бойынша жылдық тиімді сыйақы мөлшерлемесін (ЖТСМ) белгілеу көзделеді:

• LTV мәні 0,7-ді қоса алғанда 20%-ды құрайды,
• LTV мәні 0,7 жоғары болған кезде – 25%.

2026 жылғы 1 шілдеден бастап 2027 жылғы 1 қаңтарға дейінгі кезеңде ипотекалық тұрғын үй қарыздары бойынша ЖТСМ-ның шекті мөлшері 25% деңгейінде сақталады.

Құжат 22 маусымға дейін ашық талқылау үшін "Ашық НҚА" сайтында орналастырылған.