3 қарашадағы сауда-саттықта доллар бағамы төмендеуін жалғастырды

Қазақстан қор биржасында (KASE) 2026 жылғы 3 қарашада сағат 15:30-да шетел валюталары бойынша күндізгі сауда-саттық аяқталды, деп хабарлайды Zakon.kz.

Сауда-саттық қорытындысы бойынша доллардың орташа сараланған бағамы 453,26 теңгені құрады. Бұл алдыңғы көрсеткіштен 0,22 теңгеге төмен.

Ресей рублінің бағамы 0,03 теңгеге арзандап, 5,56 теңге болды.

Қытай юанінің күндізгі сауда-саттықтағы бағамы 68,01 теңгені құрады. Бұл алдыңғы көрсеткіштен 0,28 теңгеге төмен.

Мұнай бағасы өсті

3 қарашада әлемдік биржаларда мұнай бағасы өсті.

Лондондағы ICE Futures биржасында Brent маркалы мұнайдың қаңтар айындағы фьючерстері барреліне 105,23 доллардан саудаланды. Бұл алдыңғы сауда-саттықтың жабылу бағасынан 0,44%-ға жоғары.

Нью-Йорк тауар биржасының (NYMEX) электрондық сауда-саттығында WTI маркалы мұнайдың желтоқсан айындағы фьючерстері 0,59%-ға қымбаттап, барреліне 97,03 доллар болды.

Таңертең Ұлттық банк доллардың ресми бағамын 453,64 теңге, еуроны 508,17 теңге, рубльді 5,59 теңге деңгейінде белгіледі.

3 қараша күні түске дейін Қазақстанның айырбастау пункттерінде шетел валюталарының қандай бағамен сатып алынып, сатылғанын мына жерден көруге болады.