-6°C: 23 қазанда еліміздің бес өңірінде қар жауып, күн суық болатыны болжанады

2026 жылғы 23 қазанда, жұмада Қазақстанның шығыс бөлігінде тұрақсыз ауа райы күтіледі. Қар аралас жаңбыр жауып, кей жерлерде көктайғақ болуы мүмкін, деп хабарлайды Zakon.kz.

"Қазгидромет" РМК болжамына сәйкес, еліміздің шығысында және оңтүстік-шығыстағы таулы аудандарға қалың қар түседі, ал шығыста бұрқасын жүреді деп күтіледі.

Республикамыздың қалған аумақтарында айтарлықтай жауын-шашын күтілмейді.

Сондай-ақ бірқатар өңірде күн суытып, үсік жүретіні болжанады (ауа температурасы: -1...-6°C):

• Жетісу облысында;
• Жамбыл облысының батысында, солтүстігінде және шығысында;
• Алматы және Түркістан облыстарының солтүстігінде;
• Қызылорда облысының солтүстігі мен орталық бөлігінде.

Бұған дейін синоптиктер еліміздің үш ірі қаласы бойынша 23-25 қазан аралығына арналған ауа райы болжамын жариялаған болатын.