Неге Нұр-Сұлтанға көшудің қажеті жоқ

16:04, 9 қазан 2019
114

Алматы. 9 қазан. 7kun.kz — Қазақстанның вице-премьері Бердібек Сапарбаев Мәжілістің жалпы отырысында еліміздің әрбір тұрғыны елордада өмір сүруге неге ұмтылатынын және қандай жағдайда қалаға көшудің қажеті жоқ екенін айтты.

«Барлығы елордада өмір сүргісі келеді. Әрбір ата-ана өз балаларының Нұр-Сұлтанда бар елдің үздік жоғары оқу орындарында білім алуын қалайды», — деді Сапарбаев, қазақстандықтардың еліміздің бас қаласына неге көшуге тырысатыны туралы журналистердің сұрағына жауап бере отырып.

Бұл ретте ол Нұр-Сұлтан резеңке емес, сондықтан бақылаусыз ішкі көші-қонның салдарынан тұрғын үймен, білім беру, денсаулық сақтау желілерімен, инфрақұрылымдық проблемалармен байланысты қиындықтарға тап болмау үшін халық арасында тиісті түсіндіру жұмыстарын жүргізу қажет деп мәлімдеді.

«Бұл, әрине, әр азаматтың құқығы (астанаға көшу). Бірақ біз бұл мәселені мен айтқан мәселелерді шешу арқылы реттеуіміз керек, өйткені Нұр-Сұлтанға келіп, баспанасы мен жұмысы жоқ болса, мұнда тұру өте қиын болады », — деп толықтырды вице-премьер.

Бұл ретте ол өңірлерді дамыту бағдарламасы бар екенін, онда азаматтарды тұрғын үймен қамтамасыз ету, жол салу және инфрақұрылымның шешіліп жатқанын атап өтті.

«Мүмкін, шалғайдағы елді мекендерде бұл мәселелер шешілмеген шығар, бірақ сіздер білесіздер, Елбасының тапсырмаларына сәйкес әзірленген «Ауыл ел бесігі» деп аталатын бағдарлама бар. Осы бағдарламаның негізінде инфрақұрылым құрылып, жағдай жасалатын 3000-ға жуық елді мекен анықталды», — деді спикер.

Еске сала кетейік, кеше елорданы одан әрі дамыту мәселелері жөніндегі Кеңесте Президент Қасым-Жомарт Тоқаев урбанизация мәселесін көрсетіп, Үкіметке ішкі көші-қонға бақылау жасауды тапсырды.

Источник: 7kun.kz


Пікір