Лондоннан Нью-Йорк биржасына кететін компаниялар көбеюі мүмкін — сарапшылар

Лондон. 3 наурыз. 7kun.kz — Компаниялар Лондон қор биржасындағы листингтен бас тартып, Нью-Йорк қор биржасына кетуде, деп жазады Bloomberg агенттігі сарапшыларға сілтеме жасап.

«Егер Лондон жетекші қаржы орталығы дәрежесін қайтара алмаса, компаниялардың Лондоннан Нью-Йоркке кету үрдісі жалғасуы мүмкін», — дейді Freshfields Bruckhaus Deringer LLP серіктесі Оливер Лазенби.

Тек осы аптада екі ірі компания — CRH Plc құрылыс материалдарын өндіруші және Arm Ltd it фирмасы Нью-Йорктегі листингті таңдады.

Сонымен қатар, Flutter Entertainment PLC букмекерлік компаниясы мен биофармацевтикалық Entivior Plc құнды қағаздарын АҚШ-та қайта орналастыруды жоспарлап отыр.

Тіпті FTSE 100 индексіндегі кейбір компаниялар листингті Нью-Йоркке көшіруді қарастыруда, дейді анонимді болғысы келетін дереккөздер.

Британдық қор нарығының капитализациясы қазір 3 трлн долларды құрайды. Bloomberg бағалауы бойынша, АҚШ-та листингі бар компаниялардың жиынтық нарықтық құны 43 трлн долларға жетті.

Источник: 7kun.kz

---

Подписывайтесь на наш Telegram-канал. Будьте в курсе всех событий!
Мы работаем для Вас!