Коронавирус Біріккен араб әмірліктеріне де жетті

Алматы. 29 қаңтар. 7kun.kz — БАӘ Денсаулық сақтау министрлігі жаңа коронавирусты жұқтырудың алғашқы жағдайларын растады, деп хабарлады саудиялық Arab News басылымы.

Министрліктің мәліметіне сәйкес, науқастар — вирустың таралуы басталған Ухань қаласы орналасқан Хубэй провинциясындағы бір отбасының мүшелері.

Науқастардың саны белгісіз, алайда, министрлік олардың жағдайы тұрақты деп мәлімдеді.

БАӘ үкіметі денсаулық сақтау органдарымен келісе отырып, ғалымдардың ұсыныстарына, сондай-ақ Дүниежүзілік денсаулық сақтау ұйымы бекіткен жағдайлар мен стандарттарға сәйкес қажетті алдын-алу шараларын жүргізіп жатыр, деп хабарлайды басылым.

Источник: 7kun.kz