Кооперативтерді қаржыландыруға 25 млрд теңге бөлінді
Алматы. 23 қараша. 7kun.kz — Бүгін ҚР Ауыл шаруашылығы министрлігінде жеке қосалқы шаруашылықтар мен ауыл шаруашылығы кооперативтерін қолдау мәселелері бойынша брифинг өтті. Спикер ретінде «Ауыл шаруашылығын қаржылай қолдау қоры» АҚ Басқарма төрағасы Жандар Омаров қатысты, деп хабарлады ҚР Ауыл Шаруашылығы Министрлігі.
Ж.Омаров «ҚазАгро» холдингінің еншілес компаниясы болып табылатын «Ауыл шаруашылығын қаржылай қолдау қоры» – ауылдық шағын несие нарығында ірі операторлардың бірі екенін атап өтті.
Мемлекет басшысының тапсырмасымен Агроөнеркәсіп кешенін дамыту мемлекеттік бағдарламасы басымдықтарының бірі – ауыл шаруашылығы саласында шағын шаруашылықтарды біріктіру болып бекітілген. 2016 жылы осы бағытта кешенді жұмыстар басталды. Қор басшысының айтуынша, бүгінгі күні кооперациялау идеясын ауыл тұрғындары түсініп, қолдау көрсетті.
Қазіргі уақытта «Ауыл шаруашылығын қаржылай қолдау қорының» несие желісі келесі негізгі өнімдерден құрылады: «Ынтымақ», «Береке», «Игілік», «Ырыс», «Егінжай», «Кәсипкер», «Қарқынды алма бақтары». Несиенің орташа сомасы – 4 млн теңге, несиелеу мерзімі – 7 жылға дейін, тиімді сыйақы үстемесі – жылына 6,7 пайызға дейін, жеңілдетілген мерзім – 2 жылға дейін.
2017 жылы « қаржылай қолдау қорының» қатысуымен 18 500 жеке қосалқы шаруашылықтың бірігуімен 528 кооператив құрылды. Кооперативтер мен олардың қатысушыларын қаржыландыруға 25 млрд теңге бағытталды.
10 айдың ішінде қор жалпы сомасы 45 млрд теңгеге 12 мың несие берді. Оның ішінде нәтижелі жұмыспен қамту бағдарламасы бойынша 16,4 млрд теңге, бюджеттік қаражатынан – 22,4 млрд теңге, өз қаражаты мен жергілікті бюджеттерден тартылған қаражаттан – 6,2 млрд теңге берілді. Өткен жылмен салыстырғанда қаржыландыру көлемі 10 млрд теңгеге өсті.
2018 жылы ауыл шаруашылығы тауар өндірушілері мен ауыл тұрғындарын қаржыландыру жұмыстары жалғасатын болады. 45 миллиард теңгеден астам сомаға несие беру жоспарланып отыр.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл