Қазақстанның солтүстігінде халық саны азаюда

Алматы. 17 қыркүйек. 7kun.kz – 2019 жылдың 7 айында Солтүстік Қазақстан облысында 4 мыңнан астам адам қайтыс болды, ал 3,9 мың адам дүниеге келді.Осы жылдың тамыз айындағы жағдай бойынша Солтүстік Қазақстан облысының халқы 551,3 мың адамды құрады.

Статистика көрсетіп отырғандай, билік органдарының халықтың өмір сүру деңгейін жақсарту қажеттілігі туралы үнемі айтқанына қарамастан, Қазақстанның ең солтүстік аймағындағы демографиялық ахуал бұрынғысынша күрделі болып қалуда. Солтүстік Қазақстан облысы аумағында республика халқының тек 3%-ы тұрады. Бұл 551 мыңнан сәл артық. Қалаларда 252,6 мың адам, ауылдарда 298,7 мың адам тұрады, бұл өткен жылдың тамыз айымен салыстырғанда Солтүстік Қазақстан облысының тұрғындарының саны 5 мың адамға немесе 0,9% азайды, деп хабарлайды ресми статистика департаменті.

3,9 мың нәресте дүниеге келді, ал қайтыс болғандар саны 4 мыңнан асты, бұл өткен жылдың сәйкес кезеңімен салыстырғанда теріс үрдіс. 2018 жылдың қаңтар-шілдесінде 4,1 мың адам дүниеге келіп, 3,9 мың адам қайтыс болды.Яғни, биыл өткен жылғы қаңтар-шілдеге қарағанда 5,1% аз балалар дүниеге келді, ал қайтыс болғандар саны 1,1%-ға өсті.

Статистика департаментінің ақпараты бойынша, өңірдегі өлім-жітімнің негізгі себептері қан айналымы жүйесінің аурулары болып табылады. Олар диагноздардың жалпы санының 16,5%-ын алады. Тыныс алу органдарының ауруларына 14,4%, жазатайым оқиғаларға, уланулар мен жарақаттарға – 8,8%, ас қорыту органдарының ауруларына – 8,1% келеді. Бұдан басқа, нәрестелер өлімінің деңгейі жоғары. 2019 қаңтар-шілде айында бір жасқа дейінгі 42 бала қайтыс болды. Бұл, алайда, 2018 жылдың ұқсас кезеңіне қарағанда аз. Сол кезде 50 сәби қайтыс болды.

Табиғи кемуден басқа, СҚО халқының санына көші-қон да әсер етуде. Негізгі көші-қон алмасуы, статистикаға сәйкес, ел ішіндегі көші-қонды құрайды. Мұндағы теріс сальдо 2018 жылдың қаңтар-шілдесімен салыстырғанда 31,8%-ға өсті. Облыс шегінде көшіп-қонып жүргендер саны 25,1%-ға артты.

Источник: 7kun.kz