Қазақстанның Қаржы министрлігі мемлекеттік қарызды қайта құрылымдауы мүмкін

Алматы. 14 ақпан. 7kun.kz – Мемлекеттік қарыздың деңгейін қауіпсіз деңгейде ұстап тұру үшін Қазақстан үкіметі өз міндеттемелерін қайта құрылымдауды жоспарлауда, – деп мәлімдеді қаржы министрі Әлихан Смайылов.

«2018 жылы боыштық жүктеме халықаралық рейтинг агенттіктерінің ұсынымдарына сәйкес 15% шекті деңгеймен 12,2% құрады. Орта мерзімді кезеңде рұқсат етілген мәндерден асып кетуін болдырмау үшін қарызды қайта құрылымдау бойынша жұмыс жүргізілетін болады», – деді Ә. Смайылов бейсенбі күні Астанада өткен Қаржы министрлігі алқасының кеңейтілген отырысында.

Бұған дейін ол 2018 жылдың қорытындысы бойынша республикалық бюджет тапшылығының мөлшері мемлекеттік қарыз алуды азайту есебінен ЖІӨ-ге 2,6%-тен 1,2%-ке дейін қысқарғанын хабарлады.

Оның айтуынша, 2018 жылғы 1 қазандағы жағдай бойынша мемлекеттік қарыз 14,5 триллион теңгені (40 млрд доллар) немесе ЖІӨ-нің 24,8%-ін құрады. Мемлекеттік қарыздың жалпы көлемінде 76% мемлекеттік қарыз болып табылады, ол 11 триллион теңгені (30,2 млрд доллар) немесе ЖІӨ-нің 18,8%-ін құрады.

Мемлекеттік қарыздың жалпы көлемінде ішкі борыш 55%-ті, ал сыртқы қарыз 45%-ті құрайды.

Источник: 7kun.kz