Қазақстанда бірыңғай тұрғын үй операторы пайда болады

Алматы. 12 қыркүйек. 7kun.kz – Қазақстанда ҚИК, «Бәйтерек девелопмент» және тұрғын үй құрылысына кепілдік беру қоры біріктіріледі. Бұл туралы Құрылыс, тұрғын үй коммуналдық шаруашылық істері және жер ресурстарын басқару комитетінің төрағасы Мархабат Жайымбетов мәлімдеді.

Оның айтуынша, ол квазимемлекеттік сектордың жұмыс істеп тұрған субъектілерін біріктіру арқылы құрылатын болады.

«Бәйтерек» тұрғын үй кешенін қайта құру жоспарлануда. Тұрғын үй саясатын жүзеге асырудың бірыңғай операторы құрылады, оның құрамына Қазақстан ипотекалық компаниясы, «Бәйтерек девелопмент» АҚ және Тұрғын үй құрылысына кепілдік беру қоры кіреді», — деді Жайымбетов.

Сондай-ақ, ол жаңа тұрғын үй мен инфрақұрылымды салумен қатар тұрғын үй қорын жаңарту және жаңғырту жөніндегі іс-шаралар қаржыландырылатынын атап өтті.

«2011-2015 жылдары бөлінген 33,6 млрд теңгеге 2,3 мың үй жөнделді. Жұмыстар қайтарылған қаражат есебінен жалғасуда. Алдағы екі жылда 700 үйді күрделі жөндеуге шамамен 30 млрд теңге бөлінеді», — деп түсіндірді Жайымбетов.

Сонымен қатар, ол тұрғын үйдің ашықтығын және жүйелі бірыңғай есепке алуды қамтамасыз ету үшін кезекте тұрғандардың Бірыңғай республикалық база енгізіліп жатқанын айтты.

Источник: 7kun.kz