Қазақстанда ағаш терезелер мен есіктер өндірісі 80%-ға ұлғайды

Алматы. 12 желтоқсан. 7kun.kz — 2019 жылдың қаңтар–қазан айларында ағаш терезелер мен есіктер өндірісі 4,3 млн шаршы метрді құрады — өткен жылдың сәйкес кезеңімен салыстырғанда 79,4%-ға артық. Мұндай мәліметтерді Energyprom.kz ұсынды.

Барлық өндірістің 90% -дан астамы Алматы облысына тиесілі: 3,9 млн шаршы метр. Екінші, үшінші және төртінші орынды мегаполистер иеленді: Шымкент (211,1 мың шаршы метр), Алматы (110,6 мың шаршы метр) және Нұр-Сұлтан (24,3 мың шаршы метр). Өнімнің ең аз көлемі Маңғыстау (200 шаршы м) және Қостанай (300 шаршы м) облыстарында тіркелді.

Пластикалық есіктер мен терезелер сегментінде 2019 жылдың қаңтар-қазан айларында өндіріс 27,1 мың тоннаны құрады, бұл 2018 жылдың сәйкес кезеңімен салыстырғанда 7,1% артық. Бір жыл бұрын 11,1% өсіп, 25,3 мың тоннаға дейін болған.

Саладағы өндіріс көлемінің өсуі төртінші жыл қатарынан жалғасып келеді.

Источник: 7kun.kz