Ертаевты түрмеде ұстау мерзімін ұзартты

Алматы. 4 қазан. 7kun.kz — «BANK RBK» АҚ Директорлар кеңесінің бұрынғы кеңесшісі Жомарт Ертаев Алматы қаласының мамандандырылған ауданаралық тергеу сотының шешімімен тағы үш айға қамауға алынды, деп хабарлайды «Интерфакс».

«Алматы қаласының мамандандырылған ауданаралық тергеу соты Ертаевқа күзетпен ұстау түріндегі бұлтартпау шарасын 10 айға дейін, яғни 15 желтоқсанға дейін ұзарту туралы қаулы шығарды», — деді сұхбаттасушы.

Еске сала кетейік, Жомарт Ертаев Ресейде ұсталып, 2019 жылы 15 наурызда Қазақстанға экстрадицияланды. Ол 2011-2017 жылдары «BANK RBK» АҚ 144 млрд теңге ұрлықты басқа тұлғалармен алдын ала сөз байласу арқылы ұйымдастыруды деген күдікке ілінген.

Сондай-ақ, Ертаевпен бірге 54 адам жымқырды деген күдікке ілініп отыр, олардың 40-тан астамы топ-менеджерлер және банктің қарапайым қызметкерлері — бұрын экстрадицияланған банк акционері Бақыт Ибрахим, Мәжинов, Туғанбай, Едігенев, Мамырбеков, Шәріпов және басқалар.

Тергеу барысында қабылданған шаралармен 15 млрд теңге өтелді және 48 млрд теңгеге мүлік тәркіленді. Қазіргі уақытта арнайы прокурорлармен іс бойынша тергеу аяқталды, процеске қатысушылар материалдармен танысады.

Источник: 7kun.kz