Алтын-Емел ұлттық паркінде жаңа визит- орталық ашылады

22 маусымда Алтын-Емел ұлттық паркінде жаңа визит-орталықтың ашылуы өтеді, деп хабарлайды Qazaq National Parks компаниясы.

«Визит-орталықта туристер ұлттық парк, оның флорасы мен фаунасы, геологиялық және мәдени-тарихи көрікті жерлер, жаяу жүру жолдары және қауіпсіздік ережелері туралы ақпарат ала алады. Келушілерге ыңғайлы дәретхана бөлмелері, соның ішінде қажеттіліктері жоғары қонақтарға да жағдай жасалған. Мұнда Алтын-Емел ұлттық паркі мен басқа да ұлттық парктерге арналған кәдесый топтамасы ұсынылады. Дәстүр бойынша, мұнда біздің серіктестеріміз – Tary этникалық кафесі жұмыс істей бастайды», дейді компанияда.

Сонымен қатар, визит-орталықтың аумағында панорамалық көрінісі мен стационарлық бинокльдері бар бақылау палубасы бар, ал ұлттық парк бойынша негізгі орындарда самалжайлар, кемпингтерге арналған пандустар, сусыз дәретханалар мен ақпараттық тақтайшалар орнатылған.

Визит-орталыққа келушілер Бесшатыр сақ қорғанына, Теректі шатқалдарына — ежелгі буддистік қорғау жазбалары сақталған Таңбалы Тас және  Тайғақ петроглифтеріне кәсіби гидтердің сүйемелдеуімен экскурсияларға тапсырыс бере алады.

Келушілер велосипедті жалға алып, Қапшағай жағалауына және жақын маңдағы Шолақ тауларына бара алады, ал визит-орталығының бақылау мұнарасынан жабайы жануарлардың, соның ішінде Қызыл кітапқа енген құландардың, қарақұйрықтардың, бүркіттердің және басқалардың өмірін көруге болады.

Визит-орталықтың ашылуына орай Алтын-Емел және Шарын ұлттық парктері үшін  Faenomen Impact Studio агенттігі ұйымдастырған «Үй» арнайы жобасы жүзеге асады. Жобаның мақсаты – адамдардың жойқын әсерінен зардап шегетін көптеген таңғажайып жануарлар мен сирек кездесетін өсімдіктердің отаны болып табылатын ұлттық парктердің нәзік эко-ортасында қалыптасқан мінез-құлық үлгілерін өзгерту арқылы табиғатқа ұқыпты және құрметпен қарау қажеттілігіне назар аудару.

«Үй» жобасының миссиясы –  көркемдік форма арқылы туристерге табиғаттағы мінез-құлықтың белгілі бір ережелерін сақтау қажеттілігін жеткізу, жақсы қонақ болып, олардың өз үйлерінде лайықты құрметпен қарауға шақыру. «Үй» жобасының графикалық романдарының сериясы Басшы ауылына кіре берісте және Сһаryn визит- орталығында орналасқан.

Altynemel визит-орталығының аумағында өтетін тағы бір жарқын оқиға – атақты қазақстандық суретші Санжар Жұбановтың «Тастар мен жұлдыздар» экспозициясы болмақ.

Анықтама:Qazaq National Parks (QNP) қазақстандық компаниясы QazaqGeography РҚБ көмегімен Қазақстанның ұлттық парктерінде өзінің визит-орталықтар желісі арқылы экотуризмді дамытады.

Altynemel визит-орталығы — бұл Алтын-Емел ұлттық паркінің батыс қақпасы, Іле-Алатау ұлттық паркіндегі Ayusai және Turgensai және Шарын ұлттық паркіндегі Charyn визит-орталықтарын толықтыратын QNP компаниясының іске асырылған жаңа жобасы.Жобаның басымдықтары — визит-орталықтарды, жолдарды жайластыруды, ыңғайлы навигацияны, қарау алаңдарын, самалжайларды, орындықтарды, дәретханаларды қоса алғанда, рекреациялық инфрақұрылымды құру.

Жобаның бас серіктесі Kaspi.kz

Источник: 7kun.kz

---

Подписывайтесь на наш Telegram-канал. Будьте в курсе всех событий!
Мы работаем для Вас!