Алматының Әл-Фараби даңғылына 80 км/сағ жылдамдық қайта енгізілді
Алматы. 19 тамыз. 7kun.kz – Алматының Әл-Фараби даңғылында сағатына 80 шақырым жылдамдықпен жүруге қайта рұқсат етілді. Бұл туралы қала әкімдігінің баспасөз қызметі хабарлады.
«Рұқсат етілген жылдамдықты сағатына 80 км-ге дейін қайтару мәселесі көптеген қалалықтарды толғандырады. Бақытжан Сағынтаев Алматы қаласының әкімі қызметін бастағаннан бері осы тақырыпта 800-ден астам өтініш келіп түсті», — деп жазды қоғаммен байланыс қызметінің жетекшісі, Алматы қаласы әкімінің баспасөз хатшысы Әсет Мұқажанов Instagram-да.
Әкімдіктің мәліметі бойынша, рұқсат етілген жылдамдықты 60 км/сағатқа дейін төмендеткенімен, апатты жағдай қалада жақсарған жоқ. Өкінішке орай, жол-көлік оқиғаларының саны арту үстінде. Шығыс айналма жолы мен Әл-Фараби даңғылына бұрынғы жылдамдық режімін қайтаруды Алматы қаласының Қоғамдық кеңесі де ұсынған болатын.
«Сондықтан, қоғам тарапынан түскен көп өтінішті назарға ала отырып, Алматы әкімдігі Шығыс айналма жолы мен Әл-Фараби даңғылына рұқсат етілген 80 км/сағат жылдамдықты қайтару жөнінде шешім қабылдайды. Бұл бірыңғай айналма жолына енетін көшелерге қатысты оң шара болып табылады», — деді Әсет Мұқажанов.
Источник: 7kun.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
13:04, 8 қараша 2023
«Қазақстанды монеталар арқылы зертте!» атты көрме өтуде
-
20:55, 2 қараша 2023
Бюджет жобасын «даму бюджеті» емес, «қолдау бюджеті» деп атауға болады — Руслан Берденов
-
20:36, 2 қараша 2023
Қазақ ұлттық педагогикалық университетінің 95 жылдығына арналған гала-концерт өтті
-
20:30, 1 қараша 2023
«Bereke Bank» АҚ Директорлар кеңесінің төрағасы өзгерді
-
12:18, 31 қазан 2023
Абай атындағы Қазақ ұлттық педагогикалық университетіне 95 жыл