2018 жылдың қаңтар-ақпанында теміржол көлігімен 95 млн тонна жүк тасымалданды

11:01, 17 сәуір 2018

Алматы. 17 сәуір. 7kun.kz – Көлік кешені бойынша 2018 жылдың қаңтар-ақпан айларында нақты көлем индексі 104,6 пайызды құрады. Бұл туралы Инвестициялар және даму министрі Жеңіс Қасымбек Үкімет отырысында айтты деп хабарлайды министрліктің баспасөз қызметі.

Көліктің барлық түрлерімен жүк тасымалдау көлемі 4,3 пайызға өсіп 847,8 млн тоннаға жетті. Теміржол көлігімен жүк тасымалдауда айтарлықтай өсім бар. Ол 95,0 млн тоннаны құрап, 9,7 пайызға өсті. Көліктің барлық түрімен тасымалданған жүктің көлемі 9,2 пайызға өсті. Транзиттік жүктердің жалпы көлемі 19,4 пайызға өсіп 4,3 млн тоннаға жетті. Оның ішінде теміржол көлігімен тасымалданған транзиттік жүк 24,8 пайызға өсіп, 4,03 млн тонна болды. Көлік қызметінің кірісі 14,5 пайызға өсіп, 620,2 млрд теңгені құрады.

Источник: 7kun.kz

Подписывайтесь на наш Telegram-канал. Будьте в курсе всех событий!
Мы работаем для Вас!