Балалар аптасына 5 күн оқитын болады

14:43, 3 қараша 2016

12 жылдық білім беруге көшу үшін балалар 6 жастан бастап мектепке барады. Оның өзінде ата-ананың келісімі керек. Білім және ғылым министрлігінің өкілдері осындай хабар таратты. Бұл жүйеге көшкен балалар әуелі мектепті нөлінші сыныптан бастауы керек.

Білім берудің жаңартылған мазмұнын ендірумен қатар балалар бес күндік оқу аптасына көшеді. Осыған орай биыл 63 мың педагог біліктілігін арттырды. Жоғары сыныптарға таңдаған пәнін ағылшын тілінде оқытатын мұғалімдер де дайындалып жатыр.

Талғат Жакенов, ҚР Білім және ғылым министрлігінің басқарма басшысы

-Солардың базасында да үлкен жұмыстар жүргізіліп жатыр. Көптеген өңірлерде ниет білдірген мұғалімдер жазылып жатыр. Енді ағылшын тілін шамалап білетін, жақсы білетін мұғалімдер бар ғой. Солар бірінші кезекте дайындалып, олар ары қарай өз мектептерінде басқа мұғалімдерді дайындау жұмыстары жүріп жатыр.