Техникалық байқау қағазын 5 минутта жасап беретіндер ұсталды

15:24, 9 қараша 2021

© Сурет: pixabay

Сыбайлас жемқорлыққа қарсы қызмет Бас көлік прокуратурасымен бірлесіп көліктерді техникалық тексерудің жалған диагностикалық карталарын берумен айналысқан Ұйымдасқан қылмыстық топ қызметінің жолын кесті, деп хабарлайды Zakon.kz.

Сыбайлас жемқорлыққа қарсы қызметтің дерегінше, ел аумағында жалған тұлғаларға тек "қағазда" ғана бар 28 фирма ресімделген.

Тіркелген мекенжайлар бойынша техникалық тексеру орталықтары болмаған, тиісінше, қолданыстағы заңнама талаптарына сәйкес қажетті техникалық жабдықтары, мамандары, жұмыс жасайтын орындары болмаған.

Қылмыстық топты Көлік комитетінің көліктік бақылау жүргізу және мұндай фактілерге жол бермеу міндеттері жүктелген лауазымды тұлғалары басқарған.

2017 жылдан бастап бүгінгі күнге дейін ҰҚТ мүшелері іс жүзінде техникалық тексерусіз 260 мыңнан астам диагностикалық карта жасаған. Мұндай "қызмет" бір автокөлік үшін 5 минуттық уақытты және 2 мың теңгені қажет еткен.

Антикор қолданыстағы заңнамаға тиісті өзгерістер енгізу, сондай-ақ "формальді техникалық тексерулер" жүргізу фактілерін жоюға қатысты барлық шараларды қабылдайтын болады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!